पाहिलंय मी तिला माझ्यापासून दूर होताना,
माझ्याचसामोरून जाताना पण कोणा दुसऱ्याच्याच हाती हात तिला देताना...
पाहिलंय मी तिला पावसामध्ये चिंब भिजताना,
डोक्यावरची छत्री हवेत सोडून मिश्कीलपणे कोणा दुसर्यालाच सॉरी म्हणताना...
पाहिलंय मी तिला साज शृंगार करताना ,
अंगावरची पैठणी कोणा दुसऱ्याच्याच आवडीची घालताना...
पाहिलंय मी तिला हळुवार लाजताना,
गालावरील खळीला कोणा दुसऱ्याच्याचसाठी खुलवताना...
पाहतो मी तिला नकळत रडताना ,
कपाळावरील कुंकू कोणा दुसऱ्याच्याच नावाचे लावताना...
- मोहनिश महंमद खुंटे१२-०१-२०१७
कोणत्याही टिप्पण्या नाहीत:
टिप्पणी पोस्ट करा